شكون حنا ؟

 
الكيطون… اسم مغربي أصيل  100%  و كتعني لينا بزااف,  فاش قررنا  نسميو الكونسيبت ديالنا ملقيناش منافس لاسم الكيطون نظرا للحمولة الثقافية ديالو ولي كتماشى مع الالعاب الجماعية و الأهم مع الرؤية ديالنا ! و اليوم جينا باش نحييو الألعاب الجماعية  في المملكة المغربية . 

شكون منا ما عندوش ذكريات حلوة مع العائلة والصحاب وهوما كيلعبو كارطة ؟ هاد الذكريات هي لي خلاتنا نخلقو الكيطون. بغينا نردو البسمة والفرحة للكلسات العائلية، ونرجعو داك الجو الحماسي لي كنا كنعيشوه زمان ولكن بألعاب كتناسب الوقت لي حنا فيه  .

شنو كيميز الكيطون؟

• كل لعبة عندها قصة كتحكي على المغرب وتراثنا .
• التعليمات والقوانين كلها بالدارجة ديالنا المغربية .
• التصاميم مستوحاة من الثقافة ديالنا المغربية .
• الألوان والرسومات كيعكسو الطابع المغربي .
• كل لعبة مدروسة باش تناسب جميع الأعمار .

واش كتعرفو بلي كل لعبة من ألعاب الكيطون كتاخد أكثر من 4 شهور باش تخرج للسوق؟ حيت كنختارو بعناية كل تفصيل: من الفكرة حتى الإنتاج النهائي، كنحرصو باش تكون اللعبة:
• ممتعة وسهلة الفهم .
• كتخلي الناس يتفاعلو مع بعضياتهم .
• فيها تحدي وإبداع .
• كتعلم الصغار والكبار على ثقافتنا .
• كتخلق جو ديال الضحك والمرح .

مع الكيطون، راه ماشي غير لعبة لي كتشري... راك كتشري لحظات ديال الفرح مع الناس لي كتحب. سواء كنتي فدار، ولا فالبحر ولا حتى فالتخييم، ألعاب الكيطون غادي تكون صاحبك فكل كلسة.

جرب الكيطون اليوم وشوف كيفاش غادي تولي الكلسة ديالك حلوة... حيت معانا، اللعب كيجمع والضحك كيكثر!
هذا عصر الدارجة فاللعب .